بسم الله والصلاة والسلام علي رسول الله صلي الله عليه وسلم
كيف الكم ياشباب اسال الله عز وجل ان يجعلكم من الناجحين المتفوقين باذن الله
والله الواحد كان بيفكر يكلم زملائه من الطلبة عن ايه وبالاخص اللي في سنة اولي لانهم امامهم باذن الله حوالي اربع سنوات في هذه الكلية فلم اجد خيرا من اذكركم بالنية التي يبج ان تكون لله عز وجل.
ودعوني اذكركم بحديث حبيبنا واسوتنا وقدوتنا محمد صلي الله عليه سلم الذي رواه عنه سيدنا عمر بن الخطاب رضي الله عنه
قال رسول الله صلي الله عليه وسلم :(انما الاعمال بالنيات وانما لكل امرء وانوي فمن كانت هجرته الي الله ورسوله فهجرته الي الله ورسوله ومن كانت هجرته الي دنيا يصيبها او امراة ينكحها فهجرته الي ماهاجر اليه ).
وذلك كله مصداقا لقول الله تعالي :(قل ان صلاتي ونسكي ومحياي ومماتي لله رب العالمين لاشريك له وبذلك امرت وانا اول المسلمين ).
طيب ياشباب ايه الغرض من امر زي النية ؟؟؟؟؟
حد في يوم سال نفسه السؤال ده انا هاحاول اوصل لكم معني بسيط عن طريق قصة بسيطة بسيطة وهي توضح الفرق بين يعيش بنية خالصة لله ومن يعيش لمجرد انه يعيش والسلام
بيقال انه في احد الايام كانت هناك بقرة فالبقرة دي كل يوم الفلاح ياخدها يربطها في الساقية وتقعد تلف طول اليوم وفي مرة الفلاح خدها من الساعة ستة الفجر وربطها وعشان متدخوش ربط غمامة علي عينها ،وجاء علي الساعة السادسة المغرب وقبل مايشيل الغمامة من علي عينها بيسالها انت فين دلوقتي قالت له انا اكيد بعيد اوي داانا بلف من الفجر فكشف الغمامة من علي عينها ففوجئت انها في مكانها .
قصدي ايه بالقصة دي ان في ناس هاتعيش بالمئة سنة والبسبعين سنة ولكنهم لن ينالوا منها شئ ولن يستفادوا منها بشئ سواء لدنيتهم او لاخرتهم ،فنصيحة لكم من اخ اكبر منكم ان تحاولوا ان تنموا انفسكم فكريا وثقافيا وتستفيدوا من الدكاترة وتحاولوا تعرفوا الصح من الغلط والحق من الباطل
فقط اعلموا ان من عاش علي شئ مات عليه ومن مات علي شئ بعث عليه
فمن عاش لله سيموت لله وسيموت لله وسيبعث وهو علي خير باذن الله
ومن عاش لغير الله سيموت لغير الله
وفقكم الله ونصركم ونجحكم
وبصوا ياشباب اي د زعلان مننا في حاجة مش لازم يبخل علينا بالنصيحة مهما كانت لان هذا حقنا عليكم وهذا حقكم علينا
والسلام
................................................
تحديث
اللي عايز يعلق ومعندوش حساب علي جوجل او علي بلوج اسبوت يدخل يدوس في التعليقات علي (غير معرف)
ويكتب تعليقه ويدوس بعدها (نشر)
